U3F1ZWV6ZTM5OTk0OTExMTI3X0FjdGl2YXRpb240NTMwODcxNjE3NTM=
recent
أخبار ساخنة

10 نصائح مهمة قبل التقديم بالكلية الحربية والشرطة

بسم الله الرحمن الرحيم 

السلام عليكم ورحمة الله وبركاته 

كيف حالكم اخواني - RFER

 

10 نصائح مهمة قبل التقديم بالكلية الحربية والشرطة


اول حاجه لازم تعرف ان كل حاجه نصيب وقضاء وقدر  وانك تعمل اللي عليك والباقي علي ربنا سبحانه وتعالي . ثانيا في الموضوع ده هنتكمل عن شوية حاجات لازم تعملهم قبل التقديم وشوية نصايح لازم تمشي عليهم وعلشان تكون مستعد تمام الاستعداد لكل اختبارات الكلية الحربية وكلية الشرطة ان شاء الله من كافة الجوانب .وبرضو هقول تاني .. كل حاجه في الاول والاخر نصيب


اولا /  حضرتك لازم تهتم بطاعة ربنا سبحانة وتعالي وتدعي ربنا كتير  وتقول اللهم ان كان خيرا لي فوفقني الي القبول وتحافظ علي الصلاة كويس .

 ثانيا / لازم تحافظ علي مذاكرتك في الثانوية ومتهملش دروسك خالص وتحاول تجيب اعلي المجاميع علشان هتحتاج المجموع ده جدا  . والاولية في القبول لمجموع الثانوية ومجموع الاختبار الرياضي . 

ثالثا/ متستعملش الموبايل كتير ولا الكمبيوتر علشان تحافظ علي نظرك سليم وتحافظ علي صحتك . 

رابعا / لو بتمارس العادة السرية او بتستعمل المواقع الاباحية لازم تسيب الحاجات دي فورا .. اولا علشان دي حرام .. ثانيا لا يليق بطالب حربية او شرطة وبتأثر عليك جسمانيا .   

خامسا /  مطلوب منك وزن مثالي وعلشان تعرف الوزن المثالي بتاعك بتعرفه من طولك لو طولك مثلا 175 سم يبقب وزنك المثالي 75ك وينفع وليك زيادة ونقص 5ك ، فتحاول توزن نفسك لو اقل من الوزن المثالي هتمشي علي نظام غذائي يزود وزنك ولو وزنك زيادة هتمارس رياضه وخصوصا الجري مع نظام غذائي معين .. ان شاء الله هنزل  موضوع تاني بنظام غذائي يقلل الوزن واخر يزود الوزن .   

سادسا / تمارس رياضة الضغط والبطن والجري .. كل يوم ولو نص ساعه .. كل ده هيفيدك جدا فالتقديم .

 سابعا / لو بتشرب سجاير لازم برضو تبطل بتأثر علي جسمك جامد 

  ثامنا / تستعمل فرشة الاسنان ضروري علشان اسنانك تبقي كويسه وقت التقديمات .  وترووح لدكتور الاسنان يشوف سنانك لو محتاجه اي حاجه يظبطهالك .. وقبل التقديمات بفترة قليله ترووح لدكتور انف واذن تغسل ودانك .

 تاسعا / لو عندك اي عيوب تحاول تصلحها  ولو شاكك فاي حاجه عندك تحاول ترووح للطبيب تلاقي الحل ان شاء الله تعالي .. 

عاشرا / تبتعد عن اي حد يقلك محدش بينجح غير بالولسطة .. او اي حد يحبطك وحدد هدفك واعمل المستحيل علشان توصل  ..  واعرف انه اللي بيحبطك ده مبيتمناش الخير ليك ..



 

لاي استفسار سيب تعليق وان شاء الله اقدر اساعدك بااللي اعرفه .

تعليق واحد
إرسال تعليق

إرسال تعليق

قبل كتابة اي تعليق تذكر قول الله تعالي ( (مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ))

الاسمبريد إلكترونيرسالة