القائمة الرئيسية

الصفحات

ازاي تسحب ملف من الكلية الحربية / يوم سحب الملف

  بسم الله الرحمن الرحيم

السلام عليكم ورحمة الله وبركاته


س١ -سحب الملف منين ؟ 
سحب الملف بيكون في القاهره - شارع صلاح سالم - الكلية الحربية
البوابة 3
او عايز تسحب من اسيوط او اسكندريه بيكون في المنطقه العسكرية
وبيكون ليهم ميعاد مختلف عن ميعاد الكلية الحربية في سحب الملفات

س٢ - اوصل للكلية الحربية ازاي ؟ 
لو انتا جاي قطر او قريب من رمسيس .. هتلاقي عربيات هناك
بتقول حربية هتركب هتوصلك عند البوابة ٣

لو انتا قريب من الدائري هتلاقي برضو عربيات بتوصل هناك ..
خصوصا فيه حته اسمها صقر قريش فيها مواصلات للكلية الحربية

س٣ - البس ايه وانا ورايح واحلق شعري او لا ؟مش شرط تحلق راسك بس لازم شعرك يكون خفيف
وتحلق دقنك ... وتلبس لبس كويس علشان التصوير هناك

س٤ - الاوراق المطلوبة ايه ؟
بطاقتك الشخصيه + 200 جنية سعر الملف

س٥ - ينفع اخويا او ابويا يسحبلي الملف ؟لا مينفعش غير حضرتك انتا بس

س٦ - النظام هناك ماشي ازاي فاليوم ده ؟اول حاجه هتدخل من البوابة 3 وهتقف صفوف
وهيدخلوكم بالصف علي المظلات هتقعد فالمظلات
وهيقسموكم علمي وادبي ودبلوم
قدام المظلات هتلاقي فيه بوابات بوابة للعلمي وبوابة للادبي وبوابة دبلومات اول ما هيجي دورك هتقف فالصف بتاعك ... بعد ما يجي دورك وتدخل من البوابة هتلاقي شباك هتديلو 200 جنية وهيديلك الملف ومعاه دوسيه
هتروح للشباك اللي بعدو وهتقف علي جهاز قياس الوزن والطول وهيلصقلك كارت بالطول والوزن علي الملف
بعد كده هتروح عالتصوير هتتقسمو مجموعات هتتصورو  هتقف جنب مسطرة طول وهتقف وقفه عسكرية هتتصور جنبها وبعد ما تتصورو هترووح للمحاضره هيشرحلكم ازاي تملي الملف وولو فيه ورق ناقص في الملف هتقلهم عليه هيدوهولك  وانتا وطالع هتاخد الصور بتاعتك وتمشي وبكده انتهي يوم سحب الملف .


 ملحوظة مهمه
* متحاولش تفتح الموقع الالكتروني الا قبل تسليم الملف بكام يوم .. علشان لو فتحت الموقع هيقفل بعد 48 ساعه.
# لو طولك اقل من 170 هتتحول جويه .
#ولو مجموعك اقل من 70% هتكون جويه برضو .
# تقيس وزنك قبل ما ترووح .. وهو ملهوش لازمه الوزن علي الملف بس احتياطي
 اي استفسار  اخر اكتب تعليق !!

author-img
لا احب التكلم عن نفسي كثيرا .. ولا احب التكبر .. كلنا متساوون .. وكلنا امام الله سواسية..لا فضل الا بالتقوي والعمل الصالح

تعليقات

6 تعليقات
إرسال تعليق
  1. فيه طب عسكري للبنات هذا العام ولا مفيش

    ردحذف
  2. هو اتقديم الاكتروني قبل معمل ايحاجه يعني قبل مروح اسحب الملف

    ردحذف
    الردود
    1. ايوي يا فندم بتقدم الكتروني الاول وبتحدد المعاد من خلال الانترنت اونلاين وبعد كده بترووح في المعاد المحدد لك

      حذف
  3. طب انا دلوقتي متصورتش ولا حد هناك اتصور اصلا
    عشان هما هناك كانو يقولو روحو هنا وهناك ومحدش صورنا اصلا معملناش غير سحب الملف وبعدين روحنا امتحنا السمات ولا اتصورنا ولا استلمنا صور اصلا ولا حد قالنا اتصورو اصلا اي العمل دلوقتي فيدوني بسرعه بالله عليكم

    ردحذف
    الردود
    1. رووح تاني الكلية الحربية شباك الاستعلامات وهيفيدوك

      حذف
  4. طب انا معاد سحب الملف عدي ينفع اروح تاني ولا لا

    ردحذف

إرسال تعليق

قبل كتابة اي تعليق تذكر قول الله تعالي ( (مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ))