U3F1ZWV6ZTM5OTk0OTExMTI3X0FjdGl2YXRpb240NTMwODcxNjE3NTM=
recent
أخر المقالات

الوزن المثالي بالكلية الحربية والشرطة

بسم الله الرحمن الرحيم
هنتكلم عن موضوع مهم في اختبارات الكليات العسكرية والشرطة
وهو قياس الوزن والطول المناسب للكليات العسكرية والشرطة
علشان الناس تجهز واللي وزنه زايد او ناقص عن المثالي
يلحق يظبط وزنه وده ضروري
وان شاء الله تعالي تستفادو في المقالة دي
اهم حاجه التركيز وعدم القلق
ولازم تعرف قبل كل حاجه ان اي حاجه نصيب
وان شاء الله ربنا يكرمكم بالقبوول
والمقاله تخص الكليات العسكرية وبرضو كلية الشرطة

 الوزن المثالي الكلية الحربية / الشرطة

السلام عليكم ، هنتكلم عن الوزن المثالي ..  وقياس الوزن فالكلية الحربية وكلية الشرطة
وازاي توصل للوزن ده
س ١ - ماهو الوزن المثالي للجسم ؟
الوزن المثالي للجسم انه يكون طولك متناسق مع وزنك
وبيتحسب كده .. تنقص من طولك 100 = وزنك المثالي
بمعني لو طولك 175سم يبقي وزنك المثالي 75 ك
س ٢- ماهو الوزن المسموح به في الكلية الحربية ؟
مسموح تزيد عن الوزن المثالي 5 ك او تنقص 5 ك
س ٣ - متي يتم قياس الوزن ؟
في سحب الملف ( لكن لا يؤخذ به )  وفي يوم الكشف الطبي
وهو الذي يؤخذ به 
س٤ - لو وزني زاد او نقص عن المسموح ؟
لو زاد بيتم تحويلك للكلية الجوية
ولو نقص ببتعرض علي مستشار بيحدد مصيرك

س ٥ - الوزن المسموح في كلية الشرطة ؟
في كلية الشرطة . فيه اختبار اسمه مقاس وقوام بعد اختبار القدرات .. واهم حاجه فيه جسمك يكون متناسق عالجهاز مش اكتر .

س ٦ - لو وزني اقل اعمل ايه ؟
اكتر العوامل في زيادة الوزن هو الراحه النفسيه
انما التوتر والقلق الدائم بينقص من الوزن
ثانيا / اهتم بوجبة الافطار واهتم بأكل الرز 
والماكرونه ( كشري بمعني اصح  )
واي حاجه فيها بروتين  + السلطات
س٧ - لو وزني زايد اعمل ايه ؟
لو وزنك زايد .. 
اهتم بالرياضه جدا خصوصا الجري 
وعدم أكل مأكولات تزيد الوزن  بمعني كل واحد عارف
ازاي يخس وازاي يزيد 
س ٨ - هل الوزن يساعد او يقلل من نسبة القبول ؟
طبعا  بيتم اختيار الافضل واللي وزنه مثالي اكتر
 
- اي استفسار اخر سيب كومنت -
تعديل المشاركة
author-img

hossam khaled

تعليقات
    5 تعليقات
    إرسال تعليق
    • غير معرف8 يوليو 2020 6:45 ص

      أنا طولى 170سم ووزنى 55 لكن بتمرن وجسمى مفرود مش نحيف ، هل ممكن أقبل؟

      إرسال تعليقحذف التعليق
      • hossam khaled photo
        hossam khaled8 يوليو 2020 8:18 ص

        طبعا بنسبة 95% هتعدي... كل كشري كتييير جدا ومتنساش قبل ما تروح توزن تاكل أكله حلوه وتشرب مايه كتييييير

        إرسال تعليقحذف التعليق
        • غير معرف9 يوليو 2020 5:48 ص

          أنا ( صاحب أول تعليق ) هقدم متخصصين فهل الفرصة كويسة برضو ولا قليلة؟ وهتابع مع دكتور تغذية برضو بإذن الله لكن الوقت قصير جدا ولسة مخلصتش امتحانات

          حذف التعليق
          • hossam khaled photo
            hossam khaled9 يوليو 2020 5:52 ص

            هتعدي وفرصة كبيرة كمان , انت عندك قلق زيادة عن اللزوم , متقلقش ان شاء الله خير

            حذف التعليق
          • غير معرف9 يوليو 2020 2:48 م

            القلق بسبب انى اتحولت جوية مرتين وأنا بقدم بعد الثانوية بسبب الوزن ، متشكر جدا لردك واهتمامك ⁦❤️⁩

            إرسال تعليقحذف التعليق
            الاسمبريد إلكترونيرسالة