U3F1ZWV6ZTM5OTk0OTExMTI3X0FjdGl2YXRpb240NTMwODcxNjE3NTM=
recent
أخبار ساخنة

يوم تسليم الملف بالكلية الحربية - اختبار السمات

بسم الله الرحمن الرحيم
 السلام عليكم ورحمة الله وبركاته
هتكلم معاكم انهردا عن يوم تسليم الملف في الكلية الحربية  . طبعا بعد ما تكلمت معاكم عن مقر الكلية الحربية وعن المواصلات وعن يوم سحب الملف كامل
تقدر تشوف الدرس الفات من هنا
انهردا ان شاء الله تعالي هنكمل كلامنا 
س - ينفع اسلم قبل الموعد المحدد علي الملفة؟
لا مينفعش
س - ينفع اسلم بعد الموعد المحدد علي الملف ؟
اه ينفع 
س1 - التسجيل الالكتروني ؟
بعد ما تخلص الملف وتكتب كل حاجه فيه 
هتدخل تسجل عالموقع الالكتروني للكلية الحربية
وان شاء الله هنزل درس عن التسجيل 
المهم انه لازم تعرف لما تفتح الموقع بيقفل بعد 48 ساعه 
ومينفعش تسلم الملف الا بعد 24 ساعه من التسجيل
س 2 -  الاوراق والادوات اللي هتاخدها معاك في يوم تسليم الملف ؟
اولا : الملف طبعا (المرحلة الاولي فقد )
ثانيا : البطاقة الشخصية .
ثالثا : ورقة التسجيل الالكتروني .
رابعا : ادوات اختبار اداء السمات ( قلم جاف) 
خامسا : كرت التردد
س3 - التسليم في بوابة ايه ؟
بوابة الاستاد ( بتاع الميكروباص او التاكسي عارف المكان 
قله بس بوابة تسليم الملف وهتلاقي زمايلك معاك )
س4 - ايه اللي هيحصل لما ادخل بعد كده ؟
بعد ما تدخل من  بوابة الاستاد هتشتري تذكرة  باص
بجنية وبعد كده هتركب الباص هيوصلك لمكان تسليم الملف 
الثانوية العامه هيدخلو علي مراجعة الملفات علطول
الثانوية الازهرية والثانوية الخارجية هيدخلو الاول علي مظلة المعادلات
اللي عايز يعرف ايه نظام المعادلة يدخل هنا 
بعد كده هتدخل علي المراجعات هتتقسموا علي حسب المجموع والطول
س5 - طول اقل من 170 او مجموع اقل من 70% ؟
هتتحول جوية في نفس اليوم 
هتدخل علي مراجعة ملفات جوية وهكذا
------
بعد ما يتم مراجعة الملف هتستلم باركود برقم القيد هتصلقه علي ورقة التسجيل الالكتروني وكارت التردد والملف
وبعد كده هتسلم الملف 
وهتاخد ورقة التسجيل الالكتروني هتسلمها في اللجنة بتاعتها
بعد كده هتسلم تليفونك وتدخل علي اختبار السمات
*(((( اختبار السمات الشخصيه ))))*
بعد ما هتدخل علي مظلة الاختبار هتستلم ورقة الاجابة وتكتب عليها بياناتك 
نظام الاختبار كالاتي /
25 سؤال اختار 
5 سؤال مقالي
المدة /  من 3 ل 6 دقائق فقد
---
خلبالك متختارش اختيارين حتي لو الاجابة خطأ
اهم حاجه تجاوب الكل ومتشخبطش ولا تختار اكتر من اجابة 
النجاح .. بالقدرة علي الاجابة وعدم التردد 
مش مهم صح او غلط 
--
س6 - نتيجة السمات بتظهر امتي ؟
من 10 ايام ل 15 يوم عن طريق رسالة عالتليفون 
لوالدك وتليفونك انتا
وبيتحدد فالرساله معاد الطبي ان شاء الله

-- اي استفسار اخر اترك تعليق ---
ليست هناك تعليقات
إرسال تعليق

إرسال تعليق

قبل كتابة اي تعليق تذكر قول الله تعالي ( (مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ))

الاسمبريد إلكترونيرسالة