القائمة الرئيسية

الصفحات

معادلة الثانوية الازهرية بالكلية الحربية - الشرطة

بسم الله الرحمن الرحيم

انهردا هنتكلم عن موضوع في غاية الاهمية
ويهم كل طالب ازهري عايز يقدم في الكلية الحربية 
او الكليات العسكرية عموما 
لازم يعرف حوار المعادلة ده كويس
علشان يعمل حسابه فالامتحانات وعلشان ميرجعش فيوم تسليم الملف ويتقاله ملكش كليات عسكرية زي ما شوفناه حصل
كل الكليات العسكرية ليها معادلة من الكلية الجوية
لكلية الطب العسكري .. والمعادلة بتتعمل فتاني يوم اللي هو تسليم الملف
وكلية الشرطة ملهاش معادلة بتدخل بمجموعك هو هو
لا بينقص ولا بيزيد
ندخل بقي عالموضوع علطول


 معادلة الثانوية الازهريه حربية / شرطة

 السلام عليكم هنتكلم انهردا في موضوع مهم بالنسبة لخريجي الثانوية الازهرية والمعادلة اللي بتتعمل في الكلية الحربية .

س١ - هل كلية الشرطة ليها معادلة؟
كلية الشرطة ملهاش معادلة يعني لو جايب 65% هتتحسبلك
65%
س٢ - هل الكلية الحربية ليها معادلة ؟
الكلية الحربية ليها معادلة 
س٢ - نظام المعادلة ايه ؟
نظام المعادلة . بيتحذف الشرعي ويتحسبلك العربي والثقافي بس سواء للادبي او للعلمي .
س٣ - ازاي اعمل المعادلة لنفسي ؟
بسيطة 
# بالنسبة للعلمي 
مجموع المواد الثقافيه
+
مجموع المواد العربية
×
100
÷
440
=
?%
يعني لو جايب فالمواد العربية كلهم مثلا 140 وفي 
المواد الثقافيه كلهم 150
هتبقي المعادلة كده
290 × 100 ÷ 440 = 65%

# بالنسبة للادبي 

مجموع المواد الثقافيه
+
مجموه المواد العربية 
×
100
÷
420
=
?%
نفس الكلام
س٤ - لو جبت اقل من 70% بعد المعادلة ؟
هتتحول جوية 
لان بيتحسبلك المجموع بعد المعادلة

س٥ . لو جبت اقل من 60% بعد المعادلة ؟ 
للاسف مش هيكون ليك تقديم وهتسقط سمات
س٦ - امتي المعادلة بتتعمل ؟
وانتا رايح تسلم الملف قبل التسليم هيقلك اي حد ازهر يرووح علي لجنة المعادلة . هتلاقي هناك ظابط هيعملك المعادلة ويختملك عليها وبعد كده هترووك عالتسليم 
والمعادلة هتلاقيها في اول الملف في الورقه الصفراء
س٧ - الثانوية الاجنبيه والدبلومات ليهم معادلة ؟
اه طبعا ليهم معادلة 
س٨ - اكتب فالملف المجموع قبل المعادلة ولا بعد المعادلة ؟
هتكتب المجموع بعد المعادلة طبعا وفي وش الملف كمان هتكتبو بعد المعادلة (علشان ناس كتير بتغلط فيها وبتشخبط فالملف بعد كده )
_ اي استفسار تاني سيب تعليق_
author-img
لا احب التكلم عن نفسي كثيرا .. ولا احب التكبر .. كلنا متساوون .. وكلنا امام الله سواسية..لا فضل الا بالتقوي والعمل الصالح

تعليقات

31 تعليقًا
إرسال تعليق
  1. في طلبة بتقولي ان الشرطه بمعادله هل صحيح

    ردحذف
  2. انا مجموعى 67% وبعد المعادله اصبح 63.3% ادخل ايه


    ردحذف
    الردود
    1. بالنسبة للكليات العسكرية للاسف ملكش اي كلية عسكرية
      لكن ليك شرطة الحمد لله
      وليك كليات نظرية خاص

      حذف
    2. ليك المعهد الفني للقوات المسلحة لو انته علمي

      حذف
  3. الحاقا للتعليق السابق للعلم انا قسم ادبى (الازهر)

    ردحذف
  4. السنه الى فاتت الحربيه كانت من 65 وانا هاقدم السنادى والسنادى وخده من70 انا هقدم ع ال65 ولا 70

    ردحذف
    الردود
    1. الحربيه السنه الفاتت اخذت من 70% برضو
      لكن بكل تأكيد بالمجموع الجديد برضو

      حذف
  5. لوجايب اقل من ٦٥بعد المعادله

    ردحذف
  6. هي الشرطه للازهر من٦٠ ولا٦٥

    ردحذف
    الردود
    1. أزال المؤلف هذا التعليق.

      حذف
    2. أزال المؤلف هذا التعليق.

      حذف
    3. بتختلف كل سنه حسب ما يعلن وزير الداخلية لكن فالغالب 65%

      حذف
  7. اناا مجموعي ٦٤٪وبعد المعادله٦٢٪ينفعع ادخل شرطه

    ردحذف
    الردود
    1. لو مجموعها السنة الجايه نزل عن 65% ممكن تدخل .. بس فالغالب للاسف .. قدم متخصصين

      حذف
    2. ممكن معهد فنى عسكرى

      حذف
  8. هو ليونة الساقين ممكن تعمل توقفني ف الكشف الطبي؟ بس مفيش تقوس ولا التصاق الحمد لله

    ردحذف
  9. هل درجات المستوي الرفيع بتضاف في معادله الازهر حربيه ؟

    ردحذف
    الردود
    1. المستوي الرفيع اتلغي فالازهر، بس لو فيه هتضاف

      حذف
  10. انا مجموعي قبل المعادله ٧٠. بعد المعادله ٦٤ ممكن ادخل شرطه او حربيه

    ردحذف
  11. اعمل معادله في مكتب التنسيق ولا فين

    ردحذف
    الردود
    1. المعادلة بتتعملك في يوم تسليم الملف

      حذف
  12. لو مجموعى بعد المعادلة68%؟ الحق حربية؟

    ردحذف
  13. طب الفنيه العسكريه بتحذف حاجه غير الشرعي عشان سمعت ان الاحياء بتتحذف؟؟

    ردحذف
  14. انا لو سمحت قبل المعادله جايب 62 بعد المعادله جبت 65 ينفع اخش الجويه

    ردحذف

إرسال تعليق

قبل كتابة اي تعليق تذكر قول الله تعالي ( (مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ))