U3F1ZWV6ZTM5OTk0OTExMTI3X0FjdGl2YXRpb240NTMwODcxNjE3NTM=
recent
أخبار ساخنة

يوم الكشف الطبي بكلية الشرطة بالتفصيل - مع الاستفسارات

بسم الله الرحمن الرحيم

 السلام عليكم ورحمة الله وبركاته


بعد ما تظهر نتيجة المقاس والقوام
ونقول مبروك النجاح 
هيتحددلك بعد كده موعد الكشف الطبي
وهو عباره عن يوم واحد فقد

فتحاول تحافظ علي نفسك قبل الكشف الطبي

س١- تعمل ايه قبل الكشف الطبي ؟

اولا / ترووح لدكتور اسنان ، تظبط اسنانك
ولو فيه اسنان محتاجه حشو  ،  وتغسل اسنانك
قبل الكشف علطول بيوم او يومين بالكتير .

ثانيا / ترووح لدكتور انف واذن وحنجره
تغسل ودانك عنده علشان متاخدش تأجيل فالكشف
الطبي

ثالثا / تحافظ علي النوم مبكر ، وعلي صحتك عموما


س٢ - الاشياء المطلوبة يوم الكشف الطبي

١ - بطاقة التردد
٢ - البطاقة الشخصيه (ضروريه )
٣ - ثلاث صور شخصية 4x6
٤ - ملابس بيضاء
٥ - مبلغ 70 جنية
٦ - شبشب
٧ - قلم جاف


س ٣ - ماذا يحدث يوم الكشف ؟

بعد ما هتدخل
هترووح عند لجنتك هتاخد ورقة الكشف الطبي
هتملاها وتحط باركود عليها وتختمهم
بعد كده هتشتري دمغة ب 50 جنية
وهتلصقهم عالورقة
بعد كده هيتاخد منكم الورق
وهتتقسمو مجموعات
المجموعة 20 طالب
وعلي كل مجموعة مندوب
يمسك الورق بتاعكم ويدخلكم العيادات

س٤ - عيادات الكشف الطبي ؟


اول عيادة هتكشفو فيها
هي 
1 - عيادة الاشعة /
عباره عن سياره 
هتدخلو فيها وهيتعملكم اشعة عالصدر
٢ - عيادة العظام 
بيتم الكشف عن المشاكل بالعظام مثل 
التقوس . الفلات فوت . الالتصاق 
عدم تماثل مستوي الكتفين 
تراكب بالكربتين 

٣ - التحاليل 
بيتم اخذ عينة دم وعينة بول ويتم تحليلهم

٤ - عيادة الجراحة 
بيتم الكشف عن الزوائد الجلدية
والكل طبعا عارف 😂

٥ - عيادة الجلدية 
الكشف عن جميع الامراض الجلدية

٦ - عيادة الباطنه 
اسهل عيادة ومش بتاخد وقت كتير

٧ - عيادة النفسيه
بيشوف النطق وعندك لدغه او لا
وبيشوف الثبات النفسي
٨ - عيادة الرمد
بيقيس مستوي النظر 
5/6 بيعدي عادي

 ٩ - قاع عين
ساهل وكلو بيعدي منها


ودي كل العيادات باختصار شديد
والنتيجة بتطلع تاني يوم او تالت يوم بالكتير
وبالتوفيق
اي استفسار ضع تعليق
ليست هناك تعليقات
إرسال تعليق

إرسال تعليق

قبل كتابة اي تعليق تذكر قول الله تعالي ( (مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ))

الاسمبريد إلكترونيرسالة